Presidenti i Shqipërisë, Ilir Meta, sot ka biseduar me kryetarin e Komunës së Preshevës, Shqiprim Arifi, kryetarin e Komunës së Bujanocit, Shaip Kamberi, si dhe me kryetarin e Grupit të Kuvendarëve në Komunën e Medvegjës, Muharrem Salihu.

Meta përmes një postimi në facebook e ka bërë të ditur këtë teksa ka thënë se është interesuar për gjendjen e qytetarëve në Luginë, shkruan arbresh.info.

Ai po ashtu ka shkruar se ka marrë lajm të mirë se situata në Preshevë, Bujanoc e Medvegjë është e qëndrueshme.

“Kënaqësi të zhvilloja sot biseda telefonike me Kryetarin e Komunës së Preshevës, z.Shqiprim Arifi, Kryetarin e Komunës së Bujanocit z.Shaip Kamberi, si dhe me Kryetarin e Grupit të Kuvendarëve në Komunën e Medvegjës, z.Muharrem Salihu.
U interesova për gjendjen shëndetësore të qytetarëve në Luginë, si dhe shpreha solidaritetin e plotë me ta në këto momente të vështira.
Lajm i mirë që deri tani situata në Preshevë, Bujanoc e Medvegjë paraqitet e qëndrueshme sa i përket përhapjes së pandemisë COVID-19”, ka shkruar Meta.

lir